Simple lang akong babae. Gusto ko ng simpleng buhay, simpleng mundo. Pero nang pumasok ako sa St. Catherine Academy, nabago ang lahat. Nagulo ang buhay ko, tumambling ang mundo ko. Naniniwala ako sa Prince Charming. Sabi ko sa sarili ko, kailangang sa Perfect Prince ako ma-in love. Kaya lang, ba’t gano’n? Bakit sa ultimate prince pa ng mga bully nahulog ang loob ko? Bakit du’n pa sa lalaking ginawang half-hell ang buhay ko sa St. Catherine? Hays. Ako nga pala si Jelaine Veronica Apricot. And I therefore conclude na wala na `kong magagawa para mabawi pa ang puso ko kay Micko Rivera. Wala eh. Siya lang naman ang nakakuha ng first kiss ko. Siya lang ang lalaking kasinglamig ng yelo pero kasing lambot ng leche flan ang puso. Siya lang `yung bully na concerned lagi sa binu-bully niya. Siya lang `yung taong pinagkatiwalaan ko ng buhay ko nang minsang muntik na kaming hatakin ni Kamatayan. Siya lang. Sana kayanin ko ang topak niya. Mahirap kasing mag-alaga ng special child. Hehe.
